A Voce - Terza edizione - Università di Corsica Pasquale Paoli - Corté

Mercredi 12 février 2020 - Università di Corsica Pasquale Paoli - Corté

Quist'annu, pè a terza volta, l'Associu Cusì urganizeghja u cuncorsu di cantu A Voce.
Allora, s'ella vi piace à cantà, è s'è vo vulete passà una bella stonda in canzone incù noi è una ghjuria cumposta di prufessiunali, scrivitevi puru

  Page Facebook événement

A terza edizione d’A Voce si passarà in trè parte : duie qualificazione u 12 di farraghju, l’11 di marzu à a Casa Studientina Claude Cesari è una finale u 1mu d’aprile à u spaziu culturale Natale Luciani.
Cum’è sempre, i candidati duvaranu cantà solu in corsu. I cantadori pudaranu cantà riprese è ancu creà canzone.
I candidati saranu tinuti di rispittà e piccule regule scritte da sottu :
U cuncorsu d’A Voce hè apartu à tutti i studienti scritti in l’insignamentu superiore.
I cantadori duvaranu, una settimana prima di u cuncorsu, cumunicà e duie canzone ch’eddi vularanu cantà.
I cantadori duvaranu cumunicà s’eddi t’anu bisognu d’un accumpagnamentu strumentale.
Gruppi sò accittati ma cumposti, à u più, di duie parsone.
Pà ogni selezzione, quattru candidati saranu ritinuti da ghjuria pà a finale. Queddi ch’ùn sò micca ritinuti, participaranu di sicuru à a finale, cantendu una canzone cummuna à tutti a sera di a finale.

* Les tarifs, lieux et horaires sont susceptibles d'être modifiés. Merci de prendre attache auprès de l'Office de Tourisme ou de l'organisateur.
CorsEvent n'est nullement responsable des modifications ou annulations de dernière minute.